Светската џез елита, но и музички легенди кои се бават со други музички жанрови, по двегодишна пауза поради пандемијата од коронавирусот (Ковид-19), ќе се соберат во швајцарскиот град Монтро од 1 до 16 јули на 56. издание на Меѓународниот фестивал на џезот. Фестивалот е познат по тоа што голем број од изведувачите не се дел од џез сцената.
Според најавата на официјалниот сајт на овој музички настан, фестивалот ќе го отвори групата „A-ха“, а до 16 јули се очекуваат настапи на Херби Хенкок, Ник Кејв, Џон Меклин, Џеф Бек, Дајана Рос, Ибрахим Малуф, Ван Морисон, Џон Леџенд и Бјорк, која ќе настапува со симфонискиот оркестар од Лозана.
„Оваа музичка манифестација има свој дух, филозофија и корени во џезот, но повикани се сите кои се бават и со други музички жанрови“, велат организаторите.
На фестивалот настапувале бројни звучни имиња од светот на музиката, како што се, Принц, Дејвид Боуви, Карлос Сантана, Би-Би Кинг, Франк Запа, Леонард Коен, Ела Фицџералд, Елтон Џон и Арета Френклин.
Фестивалот е отворен за музички иновации и импровизации поради што некои познати песни на фестивалот ќе бидат изведени со примеси на џез, соул или блуз.
Фестивалот во Монтро е втор по големина меѓународен фестивал на џезот, по фестивалот во Монтреал.
1 јул 2022
Во Монтро почнува Меѓународниот фестивал на џезот
Џез фестивалот во Монтро има свој дух, филозофија и корени во џезот, но повикани се сите музичари кои се бават и со други музички жанрови
TRT Balkan / агенции
Поврзани новости
Написи во тренд во оваа категорија
Првата дама на Туркије на изложба на ракотворби со сопружниците на лидерите
Форумот за дипломатија во Анталија ги обедини сопругите на лидерите на изложбата „Кулинарско патување до стогодишните вкусови на Анадолија“, каде турската прва дама ги придружуваше гостите и им овозможи увид во производите со традиционални примероци
Што друго би сакале да знаете?
Популарни