Делегација на шведското Министерство за правда ќе ја посети Туркије од 5 до 6 октомври за да одржи технички разговори за екстрадиција на терористите според меморандумот на НАТО, рече турскиот министер за правда.
„Очекуваме Шведска и Финска да ги екстрадираат членовите на ФЕТО и ПКК (терористичка група) во Туркије во рамките на договорот за НАТО“, изјави во понеделникот Бекир Боздаг за новинарите по состанокот на владата во главниот град Анкара.
Боздаг рече дека Анкара сака екстрадиција на терористите кои беа обвинети и гонети во Туркије.
Тој додаде дека не се доставени информации дали оние чија екстрадиција бара Туркије ги напуштиле Шведска и Финска.
Шведска и Финска официјално поднесоа барање за влез во НАТО во јуни, одлука поттикната од руската војна против Украина.
Сепак, Туркије која е членка на НАТО повеќе од 70 години, изрази приговори за кандидатурите за членство, критикувајќи ги земјите дека толерираат, па дури и ги поддржуваат терористичките групи.
Трилатералниот меморандум потпишан на самитот на НАТО во јуни, предвидува дека Финска и Шведска нема да обезбедат поддршка за ЈПГ/ПЈД, сирискиот огранок на ПКК, ниту за терористичка организација ФЕТО - групата која стои зад поразениот пуч во 2016 година во Туркије.
Парламентот на Туркије мора да ги ратификува кандидатурите за членство на Финска и Шведска за тие да влезат во НАТО.
