Турскиот претседател Реџеп Таип Ердоган изрази незадоволство поради референдумите во источна Украина кои треба да се припојат кон Русија и се надева дека прашањето ќе се реши преку дипломатија.
„Посакував да не се одржи таков референдум и да можевме да го решиме сето тоа преку дипломатија... но за жал тоа не се случи“, изјави Ердоган за Си-Ен-Ен Турк (CNN Turk).
Ердоган рече дека сите колеги на Генералното собрание на ОН ги ценат посредничките напори на Туркије меѓу Русија и Украина.
„[Украинскиот претседател Влaдимир] Зеленски сака наша поддршка за да го убеди [рускиот претседател Владимир] Путин за четири региони [во кои се одржани референдумите]“, рече Ердоган, додавајќи дека ќе разговара со Путин во четврток.
Во јули оваа година, со посредство на претседателот Ердоган, највисоките претставници на Украина и Русија со учество на шефот на ОН, Антонио Гутереш, во Туркије, потпишаа договор за жито што го спречи недостигот на храна ширум светот.
Русија ги поддржува референдумите во четири украински региони и не ја отфрли можноста за нуклеарна војна, додека конфликтот се проширува. Западниот воен блок, НАТО, рече дека сериозно ги сфаќа изјавите од Москва.
„Не сакам ни да размислувам за тоа. Тоа би било катастрофално“, рече Ердоган, повторувајќи ја потребата руско-украинскиот конфликт да се реши по дипломатски пат.
Трка во вооружување на островот Кипар
„Туркије ќе го зајакне своето воено присуство во Турската Република Северен Кипар (ТРСК) откако Соединетите Американски Држави ги укинаа ограничувањата за одбранбената трговија за администрацијата на кипарските Грци, рече Ердоган.
Тој истакна дека Туркије веќе има 40.000 војници на островот и ќе ги зајакне со копнено, поморско и воздушно оружје, муниција и возила.
„Сите мора да знаат дека овој последен чекор нема да остане без одговор и дека ќе бидат преземени сите мерки на претпазливост за безбедноста на кипарските Турци“, рече Ердоган, додавајќи дека потегот на САД е „необјаснив“.
Турскиот претседател Ердоган рече дека Туркије ги презема сите неопходни чекори во Обединетите нации за да се признае ТРСК, но истакна дека „ е потребно време“.
„Ако Советот за безбедност на ОН постапи праведно по барањето на Анкара за признавање на Турската Република Северен Кипар Анкара ќе го забрза процесот на признавање“, рече Ердоган.
Распоредувањето на војската на САД во Егејското Море е „неприфатливо“
Осврнувајќи се на американското воено распоредување во Грција, турскиот претседател рече дека Анкара очекува САД да не ја доведат во заблуда Грција и да престанат со манипулациите на меѓународното јавно мислење против Туркије.
Турски беспилотни летала снимија слики од американски брод кој превезува грчко воено распоредување на демилитаризираните острови во Егејското Море, според повеќе меѓународни договори.
„САД испраќат бројно оружје, муниција и опрема на островите Мидили (Лезбос) и Сисам (Самос) за нас е неприфатливо“, рече Ердоган.
Тој додаде дека Анкара ги предупреди САД и Грција на распоредување војска преку Министерството за надворешни работи и испрати писмо до Обединетите нации на 17 септември. Купување на Ф-16
Претседателот Ердоган говореше и во врска со 77. Генералното собрание на Обединетите нации во Њујорк и рече дека се состана со неколку американски функционери и претставници кои беа „позитивни“ во поглед на продажбата на американските борбени авиони Ф-16 на Туркије.
„[Американскиот претседател Џо] Бајден ни вети, како Демократи, неговото мислење е да ги продаде Ф-16 и сите други делови и компоненти“, рече Ердоган.
Договорот вреден 6 милијарди долари вклучува продажба на 40 авиони Ф-16 и комплети за модернизација за 79 воени авиони кои турските воздухопловни сили ги имаат во својата флота.
„Некои анти-турски конгресмени се противат на продажбата на авиони на Анкара, но некои пратеници, кои се сретнаа со претседателот, ќе одржат состаноци со спротивната страна за да ги убедат“, рече Ердоган.
Турските одбранбени претставници одржуваат состаноци со нивните американски колеги за да се реши набавката на авионите Ф-16.
Последната средба се одржа во Вашингтон.
