Притисокот на западните влади против демонстрациите за поддршка на Палестина и усвојувањето пристапи кои ја криминализираат поддршката на палестинскиот народ се неприфатливи, изјави во понеделникот потпретседателот и портпарол на турската владејачка АК Партија.
„Акциите на израелските безбедносни сили против народот во Газа се во спротивност со сите хуманитарни вредности, човековите права и меѓународното право“, рече Омер Челик.
„Луѓето ширум светот имаат целосно право да реагираат на ова. Критиката на Челик дојде откако про-палестинските демонстрации во Европа наидоа на различни ограничувања и забрани, што предизвика загриженост за слободата на изразување и собирање.
„Тие се обидуваат да ги криминализираат демонстрациите за поддршка на Палестина. Оние кои се обидуваат да ги забранат овие демонстрации заради совеста и виталноста на човештвото, промовираат форма на фашизам“, рече Челик.
„Во многу западни земји, притисоците врз демонстрациите за поддршка на Палестина на јавните плоштади и универзитетите се само обид на некои да ги прикријат сопствените погрешни постапки“, рече тој.
„Оние кои применуваат селективна правда, дури и за смрт на деца, немаат право да зборуваат за правда“.
Франција, Обединетото Кралство, Германија и Холандија се европските земји кои забранија про-палестинските протести, при што француските власти одат чекор понатаму и забрануваат употреба на палестински знамиња.
Тековниот конфликт
Израелските сили започнаа постојана и насилна воена офанзива врз Газа по воената офанзива на палестинската група Хамас на израелските територии.
Конфликтот започна кога Хамас ја иницираше операцијата „Ал Акса поплава“ – повеќекратен ненадеен напад вклучувајќи лансирање ракети и инфилтрации во Израел преку копно, море и воздух.
Хамас рече дека нивниот напад е одмазда за упадот во џамијата Ал Акса во окупираниот Источен Ерусалим и растечкото насилство на еврејските доселеници врз Палестинците.
Како одговор, израелската војска ја започна операцијата Железни мечеви против цели на Хамас во Газа.
Тој одговор се прошири и на прекинување на снабдувањето со вода и електрична енергија во Газа, дополнително влошувајќи ги условите за живеење во областа која е под тешка блокада од 2007 година.
