Меѓународниот детски фонд на Обединетите нации (УНИЦЕФ), изрази длабока загриженост поради ескалацијата на насилството во јужниот регион Газа.
Портпаролот на УНИЦЕФ рече дека нападите во јужниот регион се исто толку злобни како и оние на северот.
„Нападите на југот на Газа се исто толку злобни како и оние на северот. Станува полошо за децата и мајките“, изјави портпаролот на УНИЦЕФ Џејмс Елдер на X.
„Вашиот глас е важен. Мора да веруваме дека можеме да бидеме причина за запирање на војната против децата... Тишината е соучесништво“, додаде тој.
Израелската армија го продолжи бомбардирањето на Појасот Газа рано во петокот, откако прогласи крај на еднонеделната хуманитарна пауза.
Според Министерството за здравство во Газа, од петокот до сега во израелските напади, убиени се најмалку 509 Палестинци, а 1.316 се повредени.
Израел започна немилосрдни воздушни и копнени напади врз Појасот Газа по прекуграничниот напад на палестинската група Хамас на 7 октомври.
Бројот на загинати од израелските напади врз Појасот Газа се искачи на 15.523 од почетокот на конфликтот на 7 октомври, објави во неделата Министерството за здравство во опколената палестинска енклава.
Бројот на ранети во истиот период се искачи на 41.316.
Официјалниот израелски број на загинати изнесува 1.200.
