Турските граѓани и членовите на нивните семејства кои беа евакуирани од Газа поради тековните напади од страна на Израел пристигнаа во Истанбул преку Египет.
Авион на Туркиш ерлајнс со 142 турски државјани кои преминале во Египет од граничниот премин Рафах, слетал на аеродромот во Истанбул рано утринава по полетувањето од меѓународниот аеродром во Каиро.
На аеродромот ги пречекаа претставници на турското Министерство за надворешни работи и претставници на турската управа за управување со катастрофи и вонредни состојби (АФАД).
Некои од членовите на семејството кои ги пречекаа евакуираните во Истанбул не можеа да ги задржат солзите.
Туркије и претходно, на 19 ноември евакуираше група од 42 турски државјани од Газа.
Израелската армија го продолжи бомбардирањето на Газа рано во петокот, откако прогласи крај на еднонеделното примирје со палестинската група на отпорот, Хамас.
Повеќе од 15.500 Палестинци, главно деца и жени, се убиени во израелските напади од 7 октомври по прекуграничниот напад на Хамас.
