Лекарите во турската теренска болница во јужниот град Искендерун изјавија дека лекуваат зголемен број пациенти кои страдаат од посттрауматско стресно нарушување и напади na паника по минатонеделниот земјотрес.
„Првично пациентите беа оние кои се здобија со повреди под урнатините.. Сега повеќе од пациентите доаѓаат со посттрауматско стресно нарушување, по целиот шок низ кој поминаа за време на земјотресот. Многу луѓе доаѓаат со напади на паника”, рече мајорот на индиската армија Беена Тивари.
Бројот на загинати во Туркије и Сирија надминува 41.000, а земјотресот и последователните потреси уништија цели градови во двете земји, оставајќи ги преживеаните без покрив над главата на големиот студ.
Траумата што ја доживеале преживеаните е огромна. Некои се извлечени од урнатините по часови на студ и темнина. Членови на некои семејства загинале или се водат како исчезнати, а фреквентните населби каде што живееле се претворени во насипи од разурнат бетон.
Тивари е дел од тимот од речиси 100 експерти од Индија кои, откако локалната болница беше уништена , основаа теренска болница за лекување на преживеаните од земјотресот, еден од најразорните во модерната историја на Туркије.
„Психолошка прва помош“
Посттраумотското стресно нарушување е предизвикано од многу застрашувачки или вознемирувачки настани, а луѓето со вакво нарушување можат повторно да ја доживеат траумата, преку кошмари и ретроспективи и може да имаат потешкотии со спиењето и концентрацијата.
„Луѓето дури сега почнуваат да сфаќаат што им се случило по овој период на шок“, изјави турски медицински претставник.
Преку границата во Сирија, импровизиран центар управуван од УНИЦЕФ им пружа на децата прва психолошка помош. Во засолништето престојуваше 9-годишниот Ахмад.
„Со секој силен глас или движење се плаши. Понекогаш кога спие се буди и вели земјотрес“, вели неговиот татко Хасан Моат.
Заразни болести
Раководителот на болницата Искендерун, Јадувир Синг, вели дека тие исто така гледаат повеќе пациенти со заразни болести и инфекции на горните дишни патишта, а илјадниците луѓе кои живеат во шатори надвор на ниски температури тешко ќе страдаат.
„Првично, имавме многу случаи на траума, луѓе кои беа закопани во урнатините долго време, 72 часа, 90 часа. На едно лице моравме да направиме ампутација за да му го спасиме животот, имаше операции за спасување животи и екстремитети “, рече тој.
Светската здравствена организација покрена акција за обезбедување 43 милиони долари за нега и рехабилитација на траума, основни лекови, ментална и психосоцијална поддршка и продолжување на рутинските здравствени услуги во Туркије.
„Потребите се огромни, се зголемуваат од час во час. На околу 26 милиони луѓе во двете земји им е потребна хуманитарна помош. Само повеќе од една недела од оваа ужасна трагедија, исто така постои зголемена загриженост за новите здравствени проблеми поврзани со студеното време, хигиената и санитарните услови и ширењето на заразни болести “, рече во изјавата директорот на СЗО за Европа, Ханс Клуге.
