Претседателката на Европската комисија Урсула фон дер Лајен денеска се спротивстави на реципрочните американски царини кон ЕУ, велејќи дека трговските војни и казнените царини немаат смисла.
„Посилна Европа работи со Соединетите Држави за да ги одврати заканите што ги имаме како партнери, и затоа веруваме дека трговските војни и казнените царини немаат смисла“, рече Фон дер Лејен на безбедносната конференција во Минхен.
Фон дер Лајен ги наведе штетните ефекти на царините, за кои рече дека дејствуваат како данок и водат до инфлација.
„Најтешко погодени се неизбежно работниците, компаниите и средната класа со мали приходи од двете страни на Атлантикот“, објасни таа.
Претседателката на Европската комисија нагласи дека тарифите може да ги нарушат суштинските трансатлантски синџири на снабдување, што ќе им наштети на двете економии.
„Не веруваме дека ова е добар бизнис и сакаме да избегнеме глобална трка до дното“, рече фон дер Лајен.
Сепак, таа јасно стави до знаење дека неоправданите царини за Европската унија нема да останат без одговор.
Фон дер Лајен, исто така, ја истакна стратешката важност на стабилна Европа за безбедноста и на ЕУ и на САД.
Неуспешната Украина ќе ја ослабне Европа, но ќе ги ослаби и Соединетите Држави, тврди таа, додавајќи дека ќе ги интензивира предизвиците во Индо-пацификот и ќе ги загрози нашите заеднички интереси.
„Авторитарците на овој свет внимателно набљудуваат дали има неказнивост доколку го нападнете вашиот сосед и ги прекршите меѓународните граници или дали постојат вистински пречки“, предупреди Фон дер Лајен.
Таа најави и дека ќе предложи активирање на клаузулата за бегство за одбранбените инвестиции.
“Ова ќе им овозможи на земјите-членки на ЕУ суштински да ги зголемат трошоците за одбрана“ во светло на растечките безбедносни грижи, додаде таа.
