Израелскиот премиер Бенјамин Нетанјаху рече дека падот на сирискиот режим на Башар ал Асад може да доведе до договор за размена на заложници во Појасот Газа.
Според израелските медиуми, во разговор со претставниците на семејствата на израелските заложници во Газа, Нетанјаху ркол дека падот на режимот на Асад делумно бил резултат на решителните операции на Израел против Хезболах и Хамас.
Тој вчера изјави дека падот на Асад може да ја отвори вратата за нови можности за зајакнување на договорот за враќање на заложниците од Газа“.
Израел проценува дека во моментов има 101 израелски затвореник во Газа.
Напорите за посредување предводени од САД, Египет и Катар за постигнување прекин на огнот и договор за размена на затвореници меѓу Израел и палестинската група Хамас пропаднаа поради одбивањето на Нетанјаху да го запре тековниот конфликт.
Израел води геноцидна војна на Појасот Газа, што резултираше со смрт на повеќе од 44.600 луѓе, од кои мнозинството се жени и деца, од 7 октомври 2023 година.
Минатиот месец, Меѓународниот кривичен суд издаде налози за апсење на Нетанјаху и поранешниот министер за одбрана Јоав Галант за воени злосторства и злосторства против човештвото во Газа.
Израел, исто така, се соочува со случај за геноцид пред Меѓународниот суд на правдата поради неговите постапки во Газа.
Асад и неговото семејство побегнаа од Сирија и пристигнаа во Москва, каде Русија им понуди азил, објави руската државна новинска агенција, откако антирежимските групи ја презедоа контролата врз главниот град Дамаск претходно во текот на денот, одбележувајќи го падот на режимот на партијата Баас која беше на власт во Сирија од 1963 година.
Тоа се случи речиси една недела откако групите ја презедоа контролата врз Алепо, главен град во северна Сирија.
