Руски борбен авион Су-27 добил наредба да пресретне два американски стратешки бомбардери Б-1Б кои летале над Балтичкото Море, но се вратил кога бомбардерите го смениле курсот.
„Надзорот на рускиот воздушен простор откри две цели кои се приближувале до државната граница над Балтичкото Море“, објави доцна синоќа државната новинска агенција ТАСС, цитирајќи го рускиот Национален одбранбен оперативен центар.
„Силите за брза реакција на противвоздушната одбрана на Балтичката флота испратиле борбен авион Су-27 за да го идентификува авионот и да спречи нарушување на рускиот воздушен простор“, се додава. Екипажот на Су-27 идентификувал два американски стратешки бомбардери Б-1Б, и немало нарушување на руската граница.
Според центарот, Су-27 безбедно се вратил во својата база откако американските воени авиони го промениле курсот подалеку од руската државна граница.
„Летот на рускиот ловец продолжи строго во согласност со меѓународните правила за користење на воздушниот простор“, соопшти центарот.
Од американска страна, портпаролот на Пентагон, бригадниот генерал Пат Рајдер, за новинарите изјави дека пресретнувањето на авионите било безбедно спроведено и изведено на професионален начин.
