Американскиот специјален пратеник за Русија и Украина денеска пристигна во Киев, објавија локалните медиуми.
Украинскиот претседател Володимир Зеленски ја најави посетата на Кит Келог наведувајќи дека планира да остане во Киев до сабота.
Покрај со Зеленски, американскиот претставник треба да се сретне и со министерот за одбрана Рустем Умеров и со врховниот командант Олександар Сирскиј, а може да разговара и со шефот на военото разузнавање Кирило Буданов.
Посетата на Келог следи по разговорите во вторникот во Саудиска Арабија меѓу Русија и САД, вклучително и за тоа како да се стави крај на речиси тригодишната руско-украинска војна.
Тоа доаѓа и по критичките забелешки на американскиот претседател Доналд Трамп за Зеленски и Украина кои се спротивставуваат на барањата на Трамп за пристап до рудното богатство на Украина во замена за поддршка на загрозената земја.
