Американскиот претседател Џо Бајден и претседателот на Кина Кси Џинпинг ќе се сретнат во вторник 15 ноември во Сан Франциско. Средбата која ќе се случи во услови на израелска војна против палестинската енклава Газа ја потврди портпаролката на Белата куќа Карин Жан-Пјер.
„Лидерите ќе разговараат за прашањата во билатералните односи САД – Кина, континуираната важност за одржување на отворени линии на комуникација и низа регионални и глобални прашања“, рече Жан - Пјер.
Кси ќе ги посети САД од 14 до 17 ноември за да присуствува на 30-тиот самит на Азиско-пацифичката економска соработка.
Портпаролката на Белата куќа рече дека Бајден и Кси ќе разговараат за тоа како Вашингтон и Пекинг можат да продолжат одговорно да управуваат со конкуренцијата и да работат заедно онаму каде што се усогласуваат интересите на двете земји, особено на транснационалните предизвици кои влијаат на меѓународната заедница“.
Средбата ќе биде прва средба лице в лице меѓу Кси и Бајден по нивниот самит на Бали, Индонезија што се одржа во ноември минатата година.
„Двајцата лидери ќе имаат длабинска комуникација за прашања од стратешко, сеопфатно и фундаментално значење во обликувањето на односите меѓу Кина и САД и главните прашања за светскиот мир и развој“, рече портпаролката на кинеското Министерство за надворешни работи Хуа Чунјинг на „Х“.
Таа додаде дека Кси ќе ги сподели и предлозите на неговата земја за продлабочување на азиско-пацифичката соработка на состанокот на економските лидери на АПЕК.
Средбата меѓу лидерите на двете најголеми светски економии доаѓа во време кога Израел одби да ги послуша меѓународните повици за прекин на огнот во Газа.
Меѓутоа, САД и нивните сојузници ги поддржаа хуманитарните паузи во Газа, каде што беше забележано едно од најсмртоносните бомбардирања во последно време.
Пекинг бара крај на вооружениот конфликт, повикувајќи на прекин на огнот.
Убиени се најмалку 11.078 Палестинци, од кои 4.506 деца и 3.027 жени. Во меѓувреме, бројот на загинати во Израел е речиси 1.600, според официјалните бројки.
Кси се очекува да се сретне и со јапонскиот премиер Фумио Кишида, додека двете страни работат на одржување на состанок околу 16 ноември.
Токио сака да ги обнови контактите на високо ниво со Пекинг како билатерални односи по години на тешки односи.
Такео Акиба, врвниот јапонски советник за национална безбедност, се сретна со кинескиот министер за надворешни работи Ванг Ји во четвртокот во Пекинг за можниот состанок.
