Палестинскиот претседател Махмуд Абас денеска пристигна во Анкара и се сретна со турскиот претседател Реџеп Таип Ердоган.
Абас утре ќе се обрати пред Големото национално собрание на Туркије на вонредната седница свикана за поддршка за палестинското прашање.
За време на говорот Абас ќе ги истакне израелските напади на палестинските територии, особено во Газа. Обраќањето ќе биде преведено на англиски, турски и француски јазик.
Претседателот Ердоган ќе присуствува на седницата, покажувајќи поддршка на високо ниво за Палестина.
Прекршувајќи ја резолуцијата на Советот за безбедност на Обединетите нации со која се бара итен прекин на огнот, Израел се соочи со меѓународна осуда поради неговата континуирана брутална офанзива врз Појасот Газа по нападот на палестинската група Хамас на7 октомври 2023 година.
Оттогаш, според локалните здравствени власти, загинале околу 40.000 Палестинци, главно жени и деца, а повеќе од 92.000 биле повредени.
Израел е обвинет за геноцид пред Меѓународниот суд на правдата, чија последна пресуда му нареди на Тел Авив веднаш да ја прекине воената операција во јужниот град Рафах, каде што повеќе од милион Палестинци побараа засолниште од војната.
