Новоизбраниот американски претседател Доналд Трамп, наводно, го поканил својот кинески колега Си Џинпинг на неговата инаугурација за претседател следниот месец, јавува Анадолу.
Изворите открија дека Трамп ја упатил поканата до Си на почетокот на ноември, набрзо по изборите, но останува нејасно дали кинескиот претседател прифатил.
Официјалните претставници прават планови на церемонијата на положување заклетва на 20 јануари да присуствуваат повеќе странски државници.
Според тимот на Трамп, на инаугурацијата можно е да присуствуваат повеќе лидери.
„Светските лидери се редат за да се сретнат со претседателот Трамп бидејќи знаат дека наскоро тој ќе стапи на власт и ќе го врати мирот низ светот со американската сила“, рече портпаролката на Трамп, Каролина Ливит.
Веста за поканата дојде неколку дена откако Трамп се закани дека ќе ги зголеми царините за кинеските стоки.
САД, исто така, поставија краен рок до 19 јануари, ден пред инаугурацијата, за БајтДанс, кинеската компанија-мајка на ТикТок, да ја продаде апликацијата за социјални медиуми или ќе се соочи со забрана во земјата.
