Републиканскиот кандидат Доналд Трамп се појави на митинг во Висконсин во камион за собирање ѓубре, облечен во флуоресцентен елек, откако актуелниот претседател Џо Бајден изјави дека поддржувачите на републиканците се „ѓубре“.
Тој ја праша толпата дали им се допаѓа камионот во кој влезе, велејќи дека тоа го направил „во чест на Камала Харис и Бајден“.
„Морам да кажам дека 250 милиони Американци не се ѓубре“, рече Трамп.
Бајден претходно ја критикуваше реториката што Трамп ја употреби на митингот во Медисон Сквер Гарден, во Њујорк.
„Пред некој ден, еден говорник на митингот на Трамп го нарече Порторико лебдечки остров на ѓубре. Ги познавам Порториканците во мојата родна држава Делавер и тие се добри и чесни луѓе“, рече Бајден во разговор со претставниците на шпанско-американската Организацијата за анимација на гласачи Вото Латино.
Американскиот претседател потоа додаде дека поддржувачите на Трамп се единственото ѓубре што го гледа, а демонизирањето на Латиноамериканците од страна на Трамп го оцени како „непростливо и неамериканско“.
„Тоа е целосно спротивно на сѐ што направивме и сѐ што сме“, рече американскиот претседател.
Портпаролот на Белата куќа, Ендрју Бејтс, рече дека Бајден „ја нарече ѓубре реториката на омрза на собирот во Медисон Сквер Гарден “.
