Рускиот дневен весник „Комерсант“ тврди дека средбата Русија - САД за Украина ќе се одржи на 18 февруари во Саудиска Арабија, додека американските медиуми објавија дека до официјален Киев не е испратена покана да учествува на средбата.
Руската официјална делегација ќе ја предводи министерот за надворешни работи Сергеј Лавров, а американскиот преговарачки тим ќе биде предводен од државниот секретар Марко Рубио.
Во американскиот тим, наводно, ќе бидат и советникот за национална безбедност Мајк Волц и специјалниот претставник за Блискиот Исток, Стив Виткоф.
Во меѓувреме, американските медиуми јавија дека украинските власти или не биле поканети или не сакале да учествуваат на состанокот.
Минатата среда, рускиот претседател Владимир Путин и неговиот американски колега Доналд Трамп во телефонскиот разговор се договорија да организираат состаноци за решение за Украина што е можно поскоро.
Ставањето крај на тековната војна меѓу Москва и Киев беше дел од претседателска изборна кампања на Трамп.
