Последиците од енергетската криза за германските бизниси би можеле да бидат сериозни бидејќи 25 отсто од компаниите може да одговорат на зголемените трошоци за енергија со намалување на персоналот, додека 90 отсто веројатно ќе одговорат со зголемување на цените, а некои веќе спроведуваат такви одлуки.
Наодите од истражувањето на Фондацијата за семејни бизниси, спроведено од Институтот во Минхен за економски истражувања Ифо во септември, беа засновани на вкупно 1.060 компании, повеќето од нив семејни бизниси.
Во претходната анкета спроведена од Фондацијата во април, само 14 отсто од компаниите планирале отпуштања.
Според новото истражување, 13 отсто од компаниите сега исто така очекуваат да го запрат производството. Во април оваа бројка сè уште беше 6 отсто.
Со преместување на производството во странство во моментов се справуваат 9 отсто од компаниите, наспроти 6 отсто.
Според истражувањето, компаниите се незадоволни од кризниот менаџмент на политиката, барајќи субвенции за приватните инвестиции во енергетска ефикасност или обновливи енергии.
Во меѓувреме, во истражувањето често се споменува и насочена помош за компаниите или индустриите.
Семејните бизниси се најраспространетиот тип компании во Германија. Повеќе од 90 отсто од сите компании се во семејна сопственост, што претставува 58 отсто од сите работни места - стабилизирачки фактор за пазарот на вработување во време на економска криза.
