Родителите никогаш не треба да ги нарекуваат таблетите како „бонбони“ кога се обидуваат да ги охрабрат своите деца да ги земаат нивните лекови, предупреди експерт за безбедност.
Иако тоа е одлично краткорочно решение, може да ги стави децата на ризик од потенцијално фатално предозирање во иднина, вели Стив Браунет-Гејл од компанија за пакување лекови.
„Кога вашето дете е болно и покрај вашите најдобри напори, нема да го проголта лекот, може да биде примамливо и лесно да ги наречете таблетите „слатки““, вели тој, додавајќи дека ако вашето дете некогаш го добие лекот без надзор, нема да сфати дека треба да го зема само кога е болен и во одредена доза.
Тој додава дека од мали нозе треба да го научите вашето дете за безбедното користење на лековите и да го пофалите и наградувате кога ги следи правилата за поддршка на доброто однесување.
Браунет-Гејл, исто така, ја нагласува важноста на чувањето на лековите во нивното оригинално пакување. „Децата се природно љубопитни и го гледаат светот поинаку“, вели тој, додавајќи дека може да биде многу опасно ако фатат нешто што не треба, мислејќи дека тоа е играчка или бонбона.
Според податоците на NHS, од сите евидентирани деца примени во болница поради труење, 70 проценти се должат на случајно примање на лекови, пишува „Сан“ (The Sun)
„Запомнете, чувајте ги сите лекови подалеку од дофат на децата, високо на полица или во заклучен шкаф“, нагласува Браунет-Гејл.
