Светскиот дорум на ТРТ го претстави второто издание на NEXT, ексклузивен настан за младите насочен кон решавање на глобалните предизвици и поттикнување на размена на идеи.
Закажан за 20 јуни, целодневниот настан ќе собере млади новинари, академици, членови на невладини организации и влијателни претприемачи кои дадоа забележителен придонес во своите подрачја.
Настанот ќе се одржи во истанбулскиот Зорлу центар (Zorlu Performing Arts ).
Оваа година ќе се истражуваат нови теми за да се бараат одговори на најитните прашања на денешницата за медиумите, технологијата, планетата, бизнисот, потенцијалните клиенти, спортот, образованието, патувањето, колективната акција и пристапноста. Во рамките на настанот, преку панел дискусии и воведни предавања ќе се разговара за општествените, културните и технолошките теми кои значително ќе влијаат на иднината.
NEXT има за цел да биде динамична платформа за младите лидери, новинари, академици, членови на граѓански организации и претприемачи да ги артикулираат своите визии за иднината и да обезбедат инспирирани решенија за поинклузивен свет.
Минатата година, настанот успешно собра повеќе од 1.000 млади индивидуалци од Туркије и странство.
Тие учествувааа во живи дискусии на различни теми, вклучувајќи теми како вселенски туризам, одржливи деловни модели, импресивни НФТ работилници и врвна технологија.
Покрај интригантните панел-дискусии, ќе бидат претставени искуствата од вештачката интелигенција и виртуелната реалност, ќе има можности за разговори со специјални гости, ќе има посветен агол на социјалните медиуми и ќе се одржат работилници каде што присутните ќе можат активно да учествуваат и да учат.
Настанот ќе биде домаќин на многу говорници од Туркије и од странство, вклучувајќи го и турскиот готвач и популарна интернет личност Бурак Оздемир, познат и како ЏЗН Бурак (CZN Burak). Неговата панел дискусија насловена „Силен ангажман: Заедничко намалување на влијанието на катастрофите“, ќе се насочи на неодамнешните разорни земјотреси во Туркије кои страдаа повеќе од 45.000 лица.
Тимот на Оздемир достави залихи во разни погодени региони во земјата, вклучувајќи го Хатај, едно од најтешко погодените подрачја од земјотресите во февруари оваа година. Исто така, на настанот ќе присуствува и кошаркарката и тренерката Асма Елбадави, која е родена во Судан и растена во Обединетото Кралство. На настанот исто така ќе се одржи долго очекуваниот ексклузивен разговор со поранешната фудбалска ѕвезда Фредерико Умар Кануте.
На минатогодишниот воведен настан, NEXT имаше 11 панели, 7 работилници, 26 главни говорници и привлече повеќе од 1.000 учесници. Од преку 2.000 пријави кои се поднесени, околу 1.400 се од Туркије, додека останатите биле меѓународни учесници.
Разновидна група меѓународни гости присуствуваа на настанот, претставувајќи различни земји, вклучувајќи ги САД, Канада, Обединетото Кралство, Италија, Холандија, Судан, Чиле, Пакистан, Индија, Јордан, Намибија, Танзанија и Нигерија.
Пријавувањето за настанот може да се направи на интернет страницата https://next.trtworldforum.com/.
