Најмалку 32 Палестинци загинаа, а неколку други се повредени во израелските воздушни напади врз блокираниот Појас Газа веднаш по завршувањето на хуманитарната пауза во петокот наутро.
„Во рок од три часа по завршувањето на хуманитарната пауза, бројот на загинати Палестинци во израелските напади се искачи на 32“, се вели во соопштението на Министерството за здравство во Газа.
„Десетици луѓе, главно жени и деца, се повредени“, додаде Министерството.
Паузата меѓу Израел и Хамас, која стапи на сила на 24 ноември, заврши во петокот наутро.
Силниот оган и израелското артилериско гранатирање во источниот дел на Појасот Газа продолжија набргу по завршувањето на хуманитарната пауза, јави дописникот на Анадолу од теренот.
Судири меѓу израелските сили и палестинските фракции се исто така во тек во северниот и централниот дел на Појасот Газа, јави дописникот.
