Министерот за одбрана на Туркије Хулуси Акар изјави дека на подрачјата погодени од земјотресите на југот на Туркије ангажирани се 25.067 припадници на турските Вооружени сили.
Акар истакна дека 63 авиони преку коридорот за воздушна помош во регионот транспортираа 9.780 експерти и 625 тони опрема.
Турскиот министер додаде дека припадниците на турските сили даваат придонес во акциите на пребарување и спасување и во пружање медицинска помош.
„Во краток временски рок воспоставивме коридор за воздушна помош“, рече Акар.
Најмалку 21.043 луѓе загинаа, а повредени се 80.097 лица во двата силни земјотреси кои на 6 февруари го потресоа југот на Туркије, објави државата агенција за справување со катастрофи (АФАД).
Два разорни земјотреси со јачина од 7,7 и 7,6 степени по Рихтер на 6 февруари го погодија југот на Туркије со епицентар во Кахраманмараш, а бројни спасувачки екипи и понатаму посветено работат на акциите за пребарување и спасување на луѓето заробени во урнатините на зградите.
11 фев 2023
Акар: Над 25.000 војници ангажирани во подрачјата погодени од земјотрес
Акар истакна дека 63 авиони преку коридорот за воздушна помош во регионот транспортираа 9.780 експерти и 625 тони опрема
TRT Balkan / агенции
Поврзани новости
Написи во тренд во оваа категорија
Што друго би сакале да знаете?
Популарни