Турскиот министер за одбрана Хулуси Акар истакна дека Туркије се надева дека ќе биде продолжен истанбулскиот договор за жито од Црното Море, кој треба да истече на 18 март.
„Двете страни (Русија и Украина) имаат позитивен став и веруваме дека тој ќе биде продолжен“, рече Хулуси Акар, кој беше гост на уредничкиот деск на агенцијата Анадолу (АА), кој се емитуваше од јужната турска област Хатај погодена од земјотресот.
Тој ги повтори напорите на Туркије да се осигура дека договорот од Истанбул ќе продолжи да се спроведува и рече дека речиси 24 милиони тони жито доставени до оние кои имаат потреба преку договорот.
Минатиот јули, Туркије, ОН, Русија и Украина потпишаа договор во Истанбул за обновување на извозот на жито од три украински пристаништа на Црното Море, кои беа прекинати по почетокот на руско-украинската војна во февруари 2022 година.
Благодарение на турските напори, Договорот за жито беше продолжен за уште 120 дена, почнувајќи од 19 ноември. Акар рече дека околу 56.000 Сиријци кои се во Туркије се вратиле во нивната матична земја преку границата по земјотресите на 6 февруари, што го погодија јужниот регион на Туркије и северот на Сирија.
Тој, исто така, ги отфрли тврдењата дека има прилив на сириски бегалци во Туркије преку нејзината јужна граница. Многу сириски државјани кои живеат во Туркије се враќаат во својата земја поради загубата на своите домови и роднини.
Според официјалните податоци, повеќе од 47.900 луѓе загинаа во Туркије во земјотресите со јачина од 7,7 и 7,6 степени според Рихтер.
Околу 13,5 милиони луѓе во Туркије се погодени од силните потреси што потресоа 11 провинции - Кахраманмарас, Хатај, Газиантеп, Адијаман, Малатија, Адана, Дијарбакир, Килис, Османије, Шанлиурфа и Елазиг.
