Лажните вести објавени на агенцијата Ројтерс се доказ дека Туркије е на вистинскиот пат, објави на Твитер Директорот на Одделот за комуникации при турското Претседателство Фахретин Алтун како реакција на текстот на британската медиумска организација со наслов „Инсајдерите откриваат како Ердоган ги скротил турските редакции“.
„Дирекцијата за комуникации, која се занимава со успешни активности дома и во странство во согласност со моделот за комуникации на Туркије, да биде цел на новинската агенција Ројтерс со седиште во Обединетото Кралство е знак дека сме на вистинскиот пат и е орден на честа, објави Алтун.
„Во последните четири години, се спротивставивме на кампањите за дезинформација насочени кон Туркије, ја изградивме отпорноста на нашата нација против таквите обиди и создадовме атмосфера на транспарентност.“, објави Алтун на Твитер.
Додаде дека ова не е првпат Ројтерс, апарат за операции на креирање перцепција и систематска манипулација насочени кон Реџеп Тајип Ердоган и Туркије, да објавува погрешни и лажни вести.
„Ројтерс шири дезинформации против Туркије во екот на терористичката кампања на ДАЕШ, додека нашата нација безмилосно ја разбиваше таа организација“.
„Всушност, тоа беше обид да се прикрие фактот дека некои западни влади замижуваа или, со помош на нивните разузнавачки служби, активно го олеснија приливот на странски терористички борци во Сирија“, напиша Алтун.
Според него, Ројтерс, исто така, ги искриви изјавите на претседателот Реџеп Тајип Ердоган, бидејќи Туркије преземаше прелиминарни чекори кон усвојување на претседателскиот систем на владеење - што тие на крајот мораа да ги коригираат.
„Очигледно, не се заборава дека Ројтерс одигра одредена улога, која му беше доделена како дел од економските и финансиските операции насочени кон Туркије“.
Според Алтун, ова е вид на новинска агенција што се обидува да ги таргетира Моделот за комуникации на Туркије и Дирекцијата.
„Совршено добро ги знаеме намерите на Ројтерс, целта што ја служи и што прави за таа цел.
Туркије ја брани вистината од систем кој се карактеризира со окупација, воени удари и граѓански војни и негува терористичка организација - сето тоа благодарение на вашето оперативно известување - не само во Туркије, туку и во различни делови на светот.“, напиша Алтун.
Додаде дека : „Ние разбираме дека економската криза во Европа ја повредува вашата организација заедно со Обединетото Кралство. Се чини дека се одлучивте да известувате од канцеларија затоа што е поевтино и полесно.“.
