Алтун: Туркије е решителна во поддршката на Либија на меѓународната сцена

Туркије ја повторува својата решеност да ја поддржи Либија на меѓународната сцена, истакна директорот на Дирекцијата за комуникации при Претседателството на Туркије Фахретин Алтун.

„Државата и народот на Република Туркије ќе продолжат да бидат покрај Либија и Либијците“, рече Алтун на Форумот за комуникации во либискиот главен град Триполи.

„Туркије и Либија ги поставија своите „вистински игри во согласност со нивните сопствени интереси“. Двете земји преземаат чекори за зајакнување на нивните историски, географски, политички, воени, економски и културни врски“, изјави Алтун.

Тој нагласи дека „со заедничка волја и решителност, Туркије и Либија нема да толерираат каков било обид да се наштети на соработката и солидарноста меѓу двете земји.“

Пофалувајќи го односот на Либија кон Туркије, Алтун рече: „Нашите либиски браќа многу добро знаат дека намерите на Туркије, која нема скриена агенда против Триполи, се искрени“.

Систематски кампањи за дезинформации

Осврнувајќи се на операциите базирани на социјалните медиуми, Алтун рече дека американскиот Пентагон користел платформи на социјалните медиуми за своите тајни пропагандни кампањи во многу земји, вклучувајќи ги Иран, Јемен, Авганистан, Ирак и Сирија.

Укажувајќи на кампањите за дезинформации насочени против Туркије, тој рече дека е откриено дека Твитер „директно се меша во внатрешните политики на земјите. (Сепак) Твитер не презема никакви мерки против сметките кои произведуваат терористичка пропаганда против Туркије“.

„Туркије е земјата која е најпогодена од систематски кампањи за дезинформација“, потенцираше Алтун и додаде:

„Либиската држава и народ, како и турско-либиските односи, претрпеа кампањи и напади за дезинформација.“