Шефот на Дирекцијата за комуникации при Претседателството на Туркије Фахретин Алту истакна дека не се изненадени од напорите на израелскиот премиер и министерот за надворешни работи да го одвлечат вниманието од нивните воени злосторства против цивилите.
„Исто како што израелската влада шири дезинформации за нивните злосторства врз Палестинците, нивното раководство на самиот врв сега е зафатено со лаги за Туркије“, истакна Алтун во објава на социјалната мрежа Х.
„Нашиот претседател Ердоган никогаш не се плашел да ја зборува вистината и ќе продолжи да го прави тоа. Целиот свет виде што прави израелската влада во Газа повеќе од еден месец. Ниту една количина на дезинформации не може да ги прикрие фактите“, потенцираше Алтун, при што додаде дека израелскиот претседател Нетанјаху не може да ја слушне вистината во врска со бесмислената војна против палестинските цивили.
„Како политичар кој ја изгради својата кариера на уништување на секоја шанса за мир со децении, Нетанјаху очигледно не може да се справи да ја слушне вистината за неговата бесмислена војна насочена кон палестинските цивили“, наведе Алтун.
„Нетанјаху и екстремистичките елементи како него се извршители на окупација, етничко чистење и воени злосторства. Тие немаат интерес да градат мир во овој регион и ќе продолжат да вршат притисок за војна во секоја прилика што ќе добијат.“
Турскиот директот за комуникации истакна дека светот мора да дејствува сега за да се заложи за траен мир, иако израелските политичари инсистираат на постојано насилство. „Мораме да ги лишиме од нивните најлоши инстинкти со обединување за фер и праведен мир“, објави Алтун.
„Уште еднаш, ги осудуваме злосторствата на израелските политичари врз палестинските цивили. Тие веќе изгубија во судот на јавното мислење. Тие не можат да го сокријат овој факт напаѓајќи го нашето раководство со лаги и клевети.
„И покрај систематските кампањи за поттикнување војна и дезинформација на Израел, ние остануваме посветени да правиме се што можеме за мир. Туркије никогаш нема да ја напушти Палестина!“, потенцираше Алтун.
