Американскиот Сенат одобри план за помош од 95,34 милијарди долари за Украина, Израел и Тајван.
Сенатот го усвои планот со 70 гласа „за“ и 29 „против“, што е повеќе од доволно за да се надмине прагот од 60 гласа потребни за усвојување на законот во 100-члената комора.
Дваесет и двајца републиканци застанаа на страната на мнозинството демократи при усвојувањето на резолуцијата.
Планот вклучува 60 милијарди долари финансирање на Украина и уште 14 милијарди долари за поддршка на израелските и американските воени операции во регионот и повеќе од 8 милијарди долари за поддршка на американските партнери во индо-пацифичкиот регион, вклучувајќи го и Тајван.
Исто така, ќе одвои речиси 10 милијарди долари за хуманитарни напори во Украина, Израел и Газа.
Сепак, двата дома на Конгресот мора да го одобрат законот пред демократскиот претседател Џо Бајден да го потпише.
Законодавството се соочува со големи несигурности во Претставничкиот дом, каде републиканците се обидуваат да ги зајакнат безбедносните мерки на границата меѓу САД и Мексико.
Републиканците во Претставничкиот дом се сè поскептични за испраќање поголема помош за Украина, иако американските сојузници во Европа предупредуваат дека без таква помош, Русија е на пат да победи.
Помошта за Израел, исто така, наиде на критики од истакнати пратеници, како што е сенаторот Берни Сандерс, кој прашува зошто САД треба да испратат повеќе пари на израелската влада која се обидува да го блокира решението за две држави и уби повеќе од 28.000 Палестинци во Газа од октомври минатата година, а во Хаг и се суди за геноцид.
