Десетици илјади Палестинци се ранети, а на многумина им беа ампутирани делови од телото по израелските напади врз блокираниот Појас Газа.
Една од последните жртви е 15-годишното палестинско момче Дија Ал-Ади, чии раце беа ампутирани по еден од израелските напади.
Со ампутацијата на рацете му се уништени соништата и желбите за иднината. Нападот се случил во источниот дел на Деир ал Балах, а цел биле кулите Кастал.
Ал Ади е тешко ранет додека седел во кафуле со своите пријатели. Потоа областа беше бомбардирана. Немаа време да избегаат.
Во изјава за АА, Ал-Ади рече дека бил свесен кога пристигнал во болницата. Тој рече дека кога пристигнал во болница, бил свесен дека му е ампутирана левата рака.
Ова палестинско момче рече дека неговата желба е да биде новинар, но Израел му го одзеде тој сон.
"Во моите соништа бев фоторепортер, фотографирав и играв ПУБГ со моите пријатели. Но, сега немам раце, не можам да фотографирам, не можам да играм. Сè што имав исчезна", рече Ал-Ади.
И покрај огромните предизвици, ова 15-годишно момче се обидува да се справи со животните неволји со помош на неговата сестра Аја.
Се надева дека ќе добие протези и ќе продолжи да живее додека може.
Во израелските напади врз Појасот Газа од 7 октомври минатата година, загинаа повеќе од 40.700 Палестинци, главно жени и деца, а повеќе од 94.100 беа ранети.
Постојаната блокада на енклавата доведе до недостиг на храна, чиста вода и лекови, оставајќи голем дел од регионот во урнатини.
Израел се соочува со обвиненија за геноцид пред Меѓународниот суд на правдата, кој нареди запирање на воените операции во јужниот град Рафах, каде што повеќе од милион Палестинци побараа засолниште пред областа да биде нападната на 6 мај.
