Гренланд покажа Над 85 отсто од населението на Грендланд е против идејата островот да стане дел територија на САД, покажуваат последните анкети.
Истражувањето, спроведено од „Вериан“ за националниот весник на Гренланд „Сермисијак“ и данскиот медиум „Берлингске“, го оцени јавното мислење како одговор на забелешките на американскиот претседател Доналд Трамп кој сугерира дека неговата земја треба да го преземе Гренланд од Данска.
Според резултатите, 85% од испитаниците се противат Гренланд да стане дел од САД, додека само 6% ја поддржале идејата.
На 23 декември 2024 година, Трамп на социјалните мрежи ја повтори идејата дека САД треба да го контролираат Гренланд, нарекувајќи ја нејзината сопственост и управување како „апсолутна неопходност“.
Од неговата инаугурација на 20 јануари, Трамп постојано изразува интерес за Гренланд, тврдејќи дека сите 57.000 жители сакаат да се приклучат на САД.
Тензии околу Гренланд
Гренланд, територија под дански суверенитет од 1953 година, го привлече интересот на Трамп поради стратешката локација и огромните минерални ресурси.
„Фајненшл тајмс“ минатата недела објави дека Фредериксен и Трамп имале тензичен телефонски разговор од 45 минути за ова прашање, оставајќи ги официјалните лица во Копенхаген длабоко загрижени.
Трамп првпат ја изнесе идејата за преземање на Гренланд за време на неговиот прв мандат, идеја што Данска целосно ја отфрли. Сепак, неговото враќање во Белата куќа ги оживеа стравувањата од поагресивен притисок за да се обезбеди контрола над островот.
