Јапонија денес соопшти дека ќе санкционира девет руски субјекти и еден поединец поради наводи за набавка на оружје од Северна Кореја.
„Додека руската инвазија на Украина продолжува, исклучително е важно да се преземат активности во координација со меѓународната заедница“, рече портпаролот на Владата, Јошимаса Хајаши, на прес-конференција во Токио.
Токио, исто така, таргетираше две компании од Администрацијата на кипарските Грци.
Одлуката е донесена поради извештаите за испорака на оружје на Пјонгјанг за Москва во време на војната во Украина.
„Руската агресија во Украина се одолговлекува“, рече Хајаши, додавајќи дека Јапонија „остро го осудува“ трансферот на оружје за Русија од Северна Кореја.
Токио ги замрзна средствата, вклучително и фирмите за превоз и воените објекти, на таргетираните субјекти, како и на еден руски бизнисмен.
Но, Пјонгјанг ги критикуваше таквите извештаи кои сугерираат дека пренесува оружје во Русија и истакна дека развојот на севернокорејската одбранбена индустрија е наменет за „воена спремност“.
Ким Јо Џонг, влијателната сестра на севернокорејскиот лидер Ким Џонг-ун и висок функционер на режимот, на почетокот на овој месец изјави: „Непријателските сили го заведуваат јавното мислење со лажни гласини дека оружените системи произведени од КНДР се „за извоз во Русија“.
„Гласините за зделки за оружје меѓу КНДР и Русија, испреплетени со погрешно гледиште и фикција, се најапсурдниот парадокс што не вреди да се прави никаква проценка или интерпретација“, рече Ким.
