Спротивно на неговата претходна изјава, американскиот претседател Џо Бајден најави дека прекин на огнот во Газа најверојатно нема да биде постигнат до понеделник, но дека се уште се надева.
Бајден одговараше на прашањата на новинарите за Газа во градината на Белата куќа пред да замине за Тексас.
Запрашан за неговата претходна изјава дека ќе се постигне прекин на огнот во Газа до овој понеделник, Бајден рече: „Секогаш постои надеж. Имав телефонски разговори со регионалните лидери. Веројатно прекинот нема да се случи овој понеделник, но сепак се надевам."
Американскиот претседател Бајден одговараше на прашања на новинарите за време на неговата посета на Њујорк претходно оваа недела. На прашањето кога би можело да се постигне прекин на огнот во Газа, Бајден рече: „Се надевам до крајот на оваа недела. Мојот советник за национална безбедност рече дека сме многу блиску, но сè уште не сме го финализирале. Се надевам на прекин на огнот во Газа до следниот понеделник“.
Белата куќа во меѓувреме соопшти дека израелските сили што отвориле оган врз Палестинците кои чекаат хуманитарна помош јужно од градот Газа е „сериозен инцидент“ откако повеќе од 100 луѓе загинаа, а над 700 други се повредени.
