Високиот претставник за надворешна политика и безбедност на Европската унија, Жозеп Борел, во понеделникот изјави дека е шокиран од информациите дека Владата на Израел ќе одвои средства за изградба на нови илегални населби.
„Ужаснат сум кога дознав дека среде војна, израелската влада е подготвена да одвои нови средства за изградба на повеќе нелегални населби“, рече Борел на социјалната мрежа Х, додавајќи:
„Ова не е самоодбрана и нема да го направи Израел побезбеден. Населбите претставуваат сериозно кршење на Mеѓународното хуманитарно право и се најголемата безбедносна одговорност на Израел“.
Борел е во Шпанија на осмиот министерски форум на Унијата за Медитеранот (УФМ), кој започна во понеделникот во Барселона.
Форумот има за цел да разговара за ситуацијата во Појасот Газа и нејзините потенцијални реперкусии врз регионот.
Израел започна масовна воена кампања во Појасот Газа по прекуграничен напад на Хамас на 7 октомври.
Оттогаш, најмалку 14.854 Палестинци се убиени, меѓу кои 6.150 деца и повеќе од 4.000 жени.
Официјалниот број на загинати во Израел е 1.200.
