Високиот претставник на Европската унија (ЕУ) за надворешна политика и безбедност, Жозеп Борел изјави дека воведувањето санкции против Израел треба да биде на агендата на ЕУ.
Борел одговори на изјавите на израелскиот ултрадесничарски министер за национална безбедност Итамар Бен-Гвир преку платформата Х.
Посочувајќи дека меѓународната заедница работи на прогласување прекин на огнот во Газа, Борел одговори на повикот на Бен-Гвир за намалување на горивото и помошта за цивилите.
Борел рече дека изјавата за која станува збор е „поттикнување на воени злосторства“, исто како што израелскиот министер за финансии Безалел Смотрич имплицираше дека смртта од глад на два милиони жители на Газа може да биде „оправдана“, додавајќи: „Санкциите (на Израел) треба да бидат на нашата агенда. "
„Ја повикуваме израелската влада да држи јасна дистанца од овие поттикнувања за извршување воени злосторства и да учествува со добра волја во преговорите со посредство на САД, Катар и Египет за итен прекин на огнот“, додаде Борел.
