Канадскиот премиер Џастин Трудо се состана во Брисел со претседателката на Европската комисија, Урсула фон дер Лајен и претседателот на Европскиот совет, Антонио Коста за унапредување на економските односи.
Посетата на Трудо беше објавена неколку дена откако САД ги суспендираа планираните царини за увоз од Канада и Мексико, откако двете земји се согласија на новите мерки за безбедност на границата.
Лидерите ја истакнаа и важноста на ЦЕТА - трговскиот договор што Европската унија и Канада го потпишаа уште во 2016 година.
„Трговијата може да биде многу корисна и да доведе до ситуација во која сите победуваат. ЦETA го докажа тоа. Навистина, откако ја имаме ЦETA, трговијата и инвестициите на двете страни се зголемени за 66 отсто“, изјави претседателката на Европската комисија Урсула Фон дер Лајен.
Идентичен став има и канадскиот премиер.
„ Од потпишувањето на ЦЕТА пред многу години, сведоци сме на отворање на илјадници работни места и огромен просперитет на двете страни на Атлантикот.
Покрај тоа, разговараме за безбедносни прашања. Нашата недвосмислена поддршка за Украина останува исклучително важна“, рече Трудо.
