Британскиот премиер Кир Стармер во средата во парламентот изјави дека Израел не врши геноцид врз Палестинците во Газа.
Додека одговараше на прашања во Долниот дом, независниот пратеник Ајуб Кан ги изнесе коментарите на министерот за надворешни работи Дејвид Лами, кој неодамна изјави дека „терминот геноцид главно се користи кога милиони луѓе ги загубија животите во кризи како Руанда, Втората светска војна и Холокаустот и начинот на кој тие се користат сега ја поткопува сериозноста на терминот“.
Кан рече дека зборовите на Лами не се прифатливи и додаде:
„Член два од Конвенцијата на Обединетите нации за геноцид експлицитно вели дека геноцидот не е за бројки, туку за намера. Намерата на израелската влада и ИД е експлицитно јасна со збор и дела во изминатите 400 дена, со убиени повеќе од 45.000 невини мажи, жени и деца“.
Тој рече дека министерот за надворешни работи изрично негирал дека се случил геноцид и „сугерираше дека израелската армија сè уште не убила доволно Палестинци“ за да биде геноцид.
Кан потоа праша „Дали премиерот ќе ја сподели својата дефиниција за геноцид со овој дом?
Во својот одговор, Стармер рече: „Би било мудро да се започне такво прашање со поглед наназад на она што се случи во октомври минатата година. Јас добро ја знам дефиницијата за геноцид и затоа никогаш не сум го опишал и не сум го нарекол геноцид“.
Франческа Албанезе, специјален известувач на ОН за окупираните палестински територии, која моментално е во посета на Велика Британија, постојано го потврди своето верување дека она што се случува се квалификува како геноцид.
