Вкупно 33.545 Палестинци се убиени во израелските напади врз Појасот Газа од октомври минатата година, соопшти денес Министерството за здравство во опколената енклава.
Израелските смртоносни напади врз Газа влегоа во 188. ден.
Во тековната офанзива се повредени и 76.094 Палестинци, се додава во соопштението.
„Шеесет и три загинати и 45 повредени пристигнаа во болниците (во Газа) во изминатите 24 часа како резултат на израелската окупациска агресија врз Појасот Газа.“
„Многу луѓе сѐ уште се заробени под урнатините и на патиштата, а спасувачите не можат да стигнат до нив“, се додава.
Израел започна напади врз Појасот Газа по прекуграничниот напад на Хамас, во кој Тел Авив вели дека загинале речиси 1.200 луѓе.
Војната принуди 85 отсто од населението на Газа внатрешно да се раселат, предизвика акутен недостиг на храна, чиста вода и лекови, а голем дел од инфраструктурата на енклавата е оштетен или уништен.
Израел е обвинет за геноцид пред Меѓународниот суд на правдата (МСП), кој го повика да стори повеќе за да спречи глад во Газа.
