Турскиот министер за надворешни работи Мевлут Чавушоглу изјави дека ниту еден судир не е локален во денешното „хаотично глобално опкружување“, при што ја нагласи важноста на решавањето на судирите и градењето на мирот.
„Со ефектот на пеперутка нема локални судири. Не можеме да си дозволиме да не делуваме додека се соочуваме со овие предизвици и закани“, рече Чавушоглу на сесијата под називот „Решавање на судири и градење мир“ во рамките на ТРТ Ворлд Форумот (TRT World Forum 2022) во Истанбул.
Чавушоглу рече дека конфликтите се дел од реалноста на човечките односи како и на меѓународните односи.
„По краткиот период на смиреност и олеснување, во меѓународните односи повторно доминираат судири“, рече Чавушоглу и додаде:
„Потребни ни се способности за решавање и посредување за да ги оставиме овие предизвикувачки времиња зад нас“, рече Чавушоглу.
Истакнувајќи дека светот е во кризен период, Чавушоглу напомена дека не само што постои системска промена туку денес и судирите се трансформираат.
„Со технолошкиот напредок и глобализацијата судирите се посложени, повеќеслојни и пораспространети“, рече шефот на турската дипломатија.
ТРТ Ворлд Форум 2022 е дводневен годишен настан, кој започна вчера во Истанбул.
Настанот, кој оваа година се одржува на тема „Мапирање на иднината: неизвесност, реалност и можности“, собира академски работници, новинари, интелектуалци, политичари и членови на цивилниот сектор од целиот свет.
На форумот присуствуваат околу 100 говорници и повеќе од 1.000 учесници од речиси 40 држави.
10 дек 2022
Чавушоглу: Ниту еден судир не е локален во хаотичното глобално опкружување
Турскиот министер за надворешни работи Мевлут Чавушглу рече дека конфликтите се дел од реалноста на човечките односи, како и на меѓународните односи
TRT Balkan / агенции
Поврзани новости
Написи во тренд во оваа категорија
Ердоган бара единствен одговор на Западот против акциите на Израел во Газа
Ги видовме западните земји како едногласно реагираат на одмаздата на Иран, истите актери сега треба да се обединат за да му кажат на Израел „доста е“, рече Ердоган на заедничката прес-конференција со претседателката на Танзанија, Хасан во Анкара
УНИЦЕФ: Две третини од куќите во Газа се уништени или оштетени
Портпаролот на Фондот за деца на Обединетите нации (УНИЦЕФ) Џејмс Елдер рече дека куќите кои палестинскиот народ макотрпно ги градел со години биле уништени во еден момент и повика да се стави крај на уништувањето во палестинската енклава
Што друго би сакале да знаете?
Популарни