Осум Палестинци, меѓу кои и едно дете, загинаа во нападите на израелската армија врз Рафах и градот Газа во јужниот дел на Појасот Газа.
Според веста на официјалната палестинска агенција ВАФА, здравствените власти изјавиле дека Израел бомбардирал куќа во областа Ан-Наср во северниот дел на градот Рафах.
Властите изјавија дека во нападот загинало едно дете, а неколку лица се повредени.
Уште седум Палестинци загинаа, а многумина беа ранети во воздушен напад извршен од израелски воени авиони врз куќа во областа Шуџаије во источниот дел на градот Газа.
И покрај одлуката на Меѓународниот суд на правдата (МСП) да ги запре нападите во Рафах, нападите на израелската армија продолжуваат.
Израел од 7 октомври минатата година врши континуирани напади врз Појасот Газа, во кои досега беа убиени повеќе од 37.160 Палестинци, главно жени и деца, а околу 84.800 се повредени.
Израел е обвинет за геноцид пред Меѓународниот суд на правдата, чија последна пресуда му нареди на Тел Авив веднаш да ја прекине својата операција во јужниот град Рафах, каде што повеќе од милион раселени Палестинци побараа засолниште.
