Претседателот на Туркије, Реџеп Таип Ердоган, ја поздрави привремената одлука на Меѓународниот суд на правдата (МСП) за случајот за геноцид против Израел, опишувајќи ги привремените мерки како „вредни“.
„Сметам дека привремената наредба донесена од Меѓународниот суд на правдата во врска со нехуманите напади во Газа е вредна и ја поздравувам.“
„Ќе продолжиме да го следиме процесот за да се осигуриме дека воените злосторства извршени врз невините палестински цивили нема да останат неказнети“, рече Ердоган на социјалната платформа X.
Неговите забелешки дојдоа откако МСП му нареди на Израел „да ги преземе сите мерки во негова моќ“ за да спречи понатамошно крвопролевање во Газа во согласност со обврските од Конвенцијата за геноцид. Судот повика и на итно ослободување на сите заложници.
„Се надеваме дека оваа одлука, која е обврзувачка за земјите членки на Конвенцијата за геноцид, ќе доведе до крај на недискриминирачките напади на Израел врз жените, децата и постарите лица“, додаде Ердоган.
Туркије ќе продолжи да работи со сите сили за прекин на огнот, постојан мир и ќе застане со Палестинците“, нагласи тој.
