Претседателот Реџеп Таип Ердоган истакна: „Никогаш не сме летаргични кон елиминирањето на терористичката закана против нашата земја уште во нејзиниот извор. Каде и да откриеме закана за нашата земја, без разлика дали во нашите граници или надвор од нашите граници, никој не може да не спречи да ја елиминираме“.
Турскиот претседател зборуваше на Церемонијата за испорака на хеликоптер T625 Ѓокбеј што се одржа во седиштето на Турската воздухопловна и вселенска индустрија (ТУСАШ).
Честитајќи им го на граѓаните 29-ти Октомври - Денот на Републиката, претседателот Ердоган им посака Божја милост на 5-те загинати во предавничкиот терористички напад врз ТУСАШ на 23 октомври, и додаде:
„Му се молам на Господ да им ги упокои душите на нашите загинати и да им даде место во рајот.“
Претседателот Ердоган зборувајќи за терористички напад врз ТУСАШ рече:
„Ваквите предавнички напади никогаш не можат да ја скршат нашата решителност и одлучност во борбата против тероризмот, ниту пак да нѐ вратат од нашиот пат. Никогаш не сме летаргични кон елиминирањето на терористичката закана против нашата земја уште во нејзиниот извор. Каде и да откриеме закана за нашата земја, без разлика дали во нашите граници или надвор од нашите граници, никој не може да не спречи да ја елиминираме“.
Турскиот претседател рече дека ќе ја продолжат борба сѐ додека не ја достигнат целта за земја и регион бидат ослободени од тероризмот и дека нема да потклекнат пред триковите на бароните на теророт и на оние кои им користат како продолжена рака.
„Ваквите предавнички, издајнички акции се последните напори на сепаратистичката организација. Нема место за тероризам и насилство во иднината на нашиот регион и нашата земја“, истакна претседателот Ердоган.
Осврнувајќи се на големиот напредок на Туркије во одбранбената индустрија, Ердоган рече:
„Ние сме најголемиот светски производител на пазарот за беспилотни летала. Од 2018 година 65 % од продажбата на вооружени беспилотни летала летала во светот се произведени од турски компании.“
Претседателот Ердоган истакна дека Туркије планира да развие и сопствен проект за противвоздушна одбрана „Челична купола“ со сите негови компоненти и додаде:
„Ако тие имаат ‘железна купола’, ние ќе имаме ‘челична купола’. Нема да се прашаме зошто ние немаме. Во овој процес, ќе ги зголемиме и нашите ракетни капацитети со долг дострел.“
Посочувајќи дека очите на светот се свртени кон Туркије и нејзиниот развој на секое поле, особено на полето на одбрданбената индустрија, претседателот Ердоган рече:
„Ќе работиме повеќе за инает на предавниците, ќе произведуваме повеќе за инает на никаквеците, ќе се развиваме повеќе за инает на империјалистите. Нема запирање, одмор или пауза сѐ додека не го оствариме нашиот сон за целосно независна Турција во одбранбената индустрија“.
