Туркије ќе прогласи ден на национална жалост поради смртта на иранскиот претседател Ибрахим Раиси, изјави турскиот лидер Реџеп Таип Ердоган откако неговиот ирански колега загина во хеликоптерска несреќа.
„На денешниот состанок на владата, споделувајќи ја болката на иранскиот народ, решивме да прогласиме ден на жалост во нашата земја“, рече Ердоган по состанокот на владата во претседателскиот комплекс во главниот град Анкара.
Истакнувајќи ја улогата на неговата земја во потрагата и спасувањето на Раиси по објавувањето на веста дека хеликоптерот се урнал во северозападниот дел на Иран, Ердоган рече дека „дронот Бајрактар Акинџи, и покрај тешките временски услови во Иран, вршел потрага 7,5 часа, летајќи 2.100 километри".
По падот на хеликоптерот на Раиси, турското Министерство за национална одбрана понуди беспилотно летало Акинџи и хеликоптер „Кугар“ да помогнат во активностите за пребарување.
Хеликоптерот со иранскиот претседател Раиси и министерот за надворешни работи Хосеин Амир-Абдолахиан, гувернерот на Источен Азербејџан Малик Рехмати и водачот на петочната молитва во градот Табриз, имамот ајатолахот Ал-Хашем се урна во неделата поради лошите временските услови додека се враќаа од церемонијата на отворање на браната во граница со Азербејџан. Подоцна беше потврдено дека во несреќата нема преживеани.
