Турскиот претседател Реџеп Таип Ердоган изјави дека неговата земја ќе продолжи со решителната борба против тероризмот и дефинитивно ќе ја искорени заканата за Туркије од каде и да доаѓа.
„Со Божја помош, имаме намера да го крунисаме нашиот 40-годишен политички живот во служба на народот со целосно отстранување на ова прашање (тероризмот) од агендата на нашата земја“, рече Ердоган во обраќањето во турскиот парламент пред пратениците од владејачката Партијата за развој и правда (АК Партија) во Анкара.
Ердоган се осврна на неодамнешниот терористички напад врз турската воздухопловна и вселенска индустрија (ТУСАШ) во Анкара, во кој загинаа пет лица.
„Предавничкиот и гнасен напад на ТУСАШ уште еднаш покажа дека единствениот јазик што го разбираат терористите е бескомпромисната борба против тероризмот. Одлучно ќе ја продолжиме борбата против тероризмот каде и да постои, вклучително и Туркије, Ирак и Сирија, а особено во Европа и дефинитивно ќе ја искорениме заканата за нашата земја од каде и да доаѓа“, рече Ердоган, додавајќи:
„Се надеваме дека во наредниот период ќе имаме нови добри вести за нашата нација кои ќе ја гарантираат безбедноста на сите наши јужни граници, безбедноста на животите и имотот на нашиот народ“.
