Турскиот претседател Реџеп Таип Ердоган во петокот ја осуди „варварската интервенција на Израел против мирниот антиокупациски протест на Западниот Брег“.
Изјавата на Ердоган дојде откако турско-американската активистка Ајшенур Езги Ејги беше убиена од израелските сили во петокот за време на протестот против изградбата на илегални израелски населби во градот Беита во областа Наблус на окупираниот Западен Брег.
„Го молам Господ да ја помилува нашата државјанка Ајшенур Езги Ејги, која го загуби животот во нападот. Ние ќе продолжиме да вложуваме напори на сите платформи за да ставиме крај на оваа окупациска и геноцидна политика на Израел, која трае речиси една година, во која беа масакрирани 41.000 луѓе, меѓу кои и деца, млади и стари, и да го повикаме Израел одговорен за злосторствата против хуманост“, рече Ердоган.
Фуад Нафаа, директорот на болницата „Рафидија“, за Анадолу изјави дека Ајшенур била донесена во болницата со прострелна рана во главата.
Тензиите ескалираа низ окупираниот Западен Брег додека Израел ја продолжува офанзивата на Појасот Газа, во која од 7 октомври минатата година загинаа речиси 40.900 Палестинци, главно жени и деца.
Најмалку 691 лице загинаа, а повеќе од 5.700 се ранети во израелски оган на Западниот Брег од 7 октомври, соопшти Министерството за здравство.
