Претседателот на Република Туркије, Реџеп Таип Ердоган телефонски разговараше со емирот на Катар, шеикот Тамим бин Хамед Ал Тани за голем број регионални теми, вклучувајќи ја и ситуацијата во Појасот Газа.
Дирекцијата за комуникации на турското претседателство соопшти дека Ердоган и Ал Тани разговарале за односите меѓу Туркије и Катар, глобалните и регионалните прашања, нападите на Израел врз Газа и хуманитарната криза во блокираната палестинска енклава.
Ердоган рече дека исламскиот свет треба да ги зголеми своите напори во единството за да ги запре бруталните напади на Израел и да го казни за злосторства против човештвото.
Ердоган изјави дека е од витално значење да се обузда Израел што е можно поскоро и да се дејствува со здрав разум за да се спречи ширење на тензиите во регионот.
За време на разговорот, претседателот Ердоган и катарскиот емир Ал Тани размениле и честитки по повод последниот Рамазан Бајрам.
