Турскиот претседател Реџеп Таип Ердоган и неговиот руски колега Владимир Путин се состанаа во средата за да разговараат за билатерални и глобални прашања во Астана, главниот град на Казахстан, на маргините на 24-от Самит на шефови на држави на Шангајската организација за соработка.
„Со Русија разговараме и за нуклеарната централа во Синоп. Верувам дека ќе преземеме сериозни чекори во овој поглед“, рече Ердоган, мислејќи на планираната изградба на централа во црноморскиот регион на Туркије.
Тоа ќе биде втора нуклеарна централа во Туркије, заедно со Акуја во Мерсин во јужна Туркије, и втора изградена во партнерство со Москва.
„Нашата цел е да постигнеме обем на трговска соработка во износ од 100 милијарди долари меѓу Туркије и Русија, веќе имаме потенцијал за тоа“, рече турскиот претседател.
Рускиот претседател Путин на средбата со Ердоган рече дека и покрај сите тешкотии во светот, односите меѓу Русија и Туркије напредуваат чекор по чекор.
Тој го истакна напредокот во нивните „стратешки проекти“ и рекордните бројки во туризмот, со 6,7 милиони руски туристи што ја посетиле Туркије минатата година.
На средбата во Астана Ердоган го покани Путин да ја посети Туркије, а рускиот претседател изјави дека посетата на Анкара секако ќе има.
