Турскиот претседател Реџеп Таип Ердоган денеска отпатува Киргистан за да присуствува на единаесеттиот самит на Организацијата на туркиските држави што ќе се одржи во среда во главниот град на Киргистан, Бишкек.
Генералниот секретар на ОТС Кубаничбек Омуралиев изјави дека на самитот земјите-членки ќе се фокусираат на четири клучни области: економска интеграција, одржлив развој, дигитална трансформација и безбедност.
Организацијата на туркиските држави, со Туркије, Азербејџан, Казакстан, Киргистан и Узбекистан како полноправни членки, како и Унгарија и Туркменистан како набљудувачи, се фокусира на унапредување на соработката во области како што се трговијата, политиката, културата и безбедноста.
Од своето основање, ОТС одигра клучна улога во промовирањето на регионалната соработка и заедничкото културно наследство. Организацијата направи значителен напредок во зајакнувањето на трговијата меѓу земјите-членки, поддршката на инфраструктурни проекти и унапредувањето на културните иницијативи за зачувување на туркискиот идентитет.
