Претседателот на Република Туркије Реџеп Таип Ердоган рече дека неговата земја е на вистинската страна на историјата, и оти застанала против угнетувачите и на страната на угнетените и додаде дека времето ќе покаже дека било во право и за другите проблеми исто така.
Турскиот претседател се обрати на осмиот редовен конгрес на владејачката Турска Партија на правдата и развојот (АК Партија) во провинцијата Мардин и по тој повод посочи дека регионот минува низ важен период и ја коментираше ситуацијата во соседна Сирија во контекст на неодамнешниот пад на режимот на партијата Баас и семејството на Асад.
„После 61 година мрак, во Сирија почна да се појавува зората на слободата“, рече Ердоган, додавајќи дека сириските браќа се молат за благосостојбата на Туркије.
Ердоган, исто така, рече дека Туркије никогаш не го остави сирискиот народ на нивната судбина, дури ни кога целиот свет му сврте грб, со исклучок на неколку земји.
„Бевме на вистинската страна на историјата, застанавме против угнетувачите и со угнетените. Нека знае народот дека времето ќе покаже дека сме биле во право и за други прашања“, рече Ердоган.
