Туркије ги прави сите напори да стави крај на конфликтите во Украина, како и да спречи криза со храна, рече турскиот претседател Реџеп Таип Ердоган во петокот на самитот на Организацијата на туркиските земји во Узбекистан.
„Ги правиме сите напори да ставиме крај на конфликтите кои траат во Украина девет месеци преку праведен мир. Притоа, ги правиме неопходните интервенции за да спречиме криза со храна“, рече Ердоган за време на неговото обраќање на самитот. .
Тој додаде дека земјите-членки на Организацијата на туркиските земји минуваат низ чувствителен период исполнет со „ризици и можности“.
„Во овој период гледаме дека за нас стана многу покритично да ја зајакнеме соработката, солидарноста и хармонијата на сите полиња“, рече Ердоган.
По повод втората годишнина од победата на Азербејџан во Карабах, турскиот претседател ја повтори поддршката на Анкара за Баку.
„Мировниот процес во Јужен Кавказ е сè уште кревок и покрај сите обиди на Азербејџан. Ние сме со Азербејџан во неговата потрага по мир, како и во неговите борби“, рече Ердоган.
Тој ги повика туркиските држави да ја прошират соработката во спречувањето и управувањето со нерегуларната миграција, истакнувајќи дека Туркије е земја која е домаќин на најмногу бегалци во светот од 2014 година.
„Би било соодветно да се развие заеднички концепт за безбедност и да се продолжат состаноците на секретарите на Советот за безбедност“, додаде турскиот претседател.
Тој исто така рече дека Организацијата на туркиски земји треба да спроведе фонд за зајакнување на соработката.
„Би било корисно да се спроведе Туркискиот инвестициски фонд што е можно поскоро. Верувам дека финансиските можности што ги дава фондот ќе ја зајакнат нашата соработка и ќе ги забрзаат нашите активности“, нагласи Ердоган.
