Високиот претставник на Европската Унија за надворешна политика и безбедност, Жосеп Борел, изјави дека ЕУ е загрижена поради одобрувањето на Израел за изградба на 1.700 нови станбени единици во Источен Кудс (Ерусалим).
На конференцијата за новинари што се одржа по состанокот на министрите за надворешни работи на ЕУ, Борел изјави дека многу се загрижени поради одлуката Израел да ги прошири своите илегални населби во Источен Кудс, како и поради цивилните жртви и уништувањата во Појасот Газа.
Осудувајќи ја одлуката на Израел да изгради 1.700 нови станбени единици во Источен Кудс, Борел рече дека ЕУ наскоро ќе заземе официјален став за ова прашање.
„Во тој контекст, уште еднаш потврдуваме дека нашата финансиска поддршка на палестинската администрација мора да продолжи“, истакна Борел.
