Терористичката организација ПКК продолжува со активностите за собирање средства во Европа, соопшти денеска Европската полициска агенција (Европол).
Според годишниот извештај на Европол за ситуацијата и трендот на тероризмот во Европската Унија за 2022 година, терористичката организација ПКК во ЕУ е координирана од Конгресот на европските курдски демократски општества (KCDK-E) со седиште во Белгија.
Во извештајот се истакнува дека терористичката организација ПКК продолжила со своите активности на пропаганда, протести, регрутирање и собирање средства низ цела Европа, и покрај Ковид-19, и дека парите биле собрани од европските земји преку членарина, продажба на публикации, специјални настани и кампањи.
„Членовите на ПКК, исто така, беа вклучени во организирани криминални активности како што се перење пари, рекетирање, изнуда и трговија со дрога“, се вели во извештајот.
Во извештајот се вели дека левичарските екстремисти од земјите членки отпатувале во североисточна Сирија и северен Ирак и добиле воена обука од терористичката организација ЈПГ, која е огранок на ПКК во Сирија.
„Со оглед на обуката и борбеното искуство стекнато таму, се проценува дека по нивното враќање во ЕУ, таквите лица имаат потенцијал да извршат насилни напади“, се вели во извештајот.
