Турскиот министер за надворешни работи Хакан Фидан изјави во вторник дека исламскиот свет ќе направи се што е потребно за да го заштити исламскиот идентитет на џамијата Ал Акса.
„Муслиманскиот свет ќе направи се што е потребно за да го зачува исламскиот идентитет на Харем ал-Шериф (Ал-Акса)“, рече Фидан за време на неговото обраќање на 162. состанок на министрите за надворешни работи на Арапската лига.
Тој рече дека мора да се направи многу повеќе за да се запрат израелските напади врз Газа.
„Ќе продолжиме со нашата заедничка акција за да извршиме притисок врз меѓународната заедница да ги запре акциите на Израел“, додаде Фидан.
Тој ги предупреди и сите кои го поддржуваат израелскиот премиер Бенјамин Нетанјаху, велејќи дека и тие се соучесници во геноцидот.
Ќе одговараат и тие“, рече турскиот министер за надворешни работи.
Шефот на турската дипломатија Фидан е во Каиро, главниот град на Египет, по повод состанокот на министрите за надворешни работи на Арапската лига.
Арапската лига е регионална организација во арапскиот свет, формирана во Каиро на 22 март 1945 година. На самиот почеток имаше седум земји членки, а денес има 22 членки.
